Законнар нормалары җиткерелде
Татарстан Республикасы Дәүләт алкоголь инспекциясенең Арча территориаль органының эчке базарны үстерү һәм координацияләү бүлеге белгече шәхси эшмәкәр Гыйниятова М.Х. сәүдә объектында (Олы Әтнә авылы) кулланучылар хокукларын яклау турындагы законнарны аңлатып, сатучылар өчен укулар үткәрелде. Чара барышында «Кулланучылар хокукларын яклау турында» РФ Законының төп нигезләмәләре аңлатылды, шулай ук сәүдә кагыйдәләре нигезендә аңлатмалар бирелде. Сатыла торган товарларга һәм кулланучы почмагына бәяләрне рәсмиләштерү кагыйдәләре, оешманың элмә тактасы булу һәм товарлар турында рус телендә мәгълүмат булу, алкоголь продукциясен сату кагыйдәләре турында консультацияләр бирелде. Сатучыларның аерым игътибары сатыла торган товарларның яраклылык срокларын һәм саклау шартларын үтәүне контрольдә тотуны көчәйтүгә юнәлтелде.
Чара азагында кулланучылар өчен төрле мәгълүматлы брошюралар һәм буклетлар, «Вестник потребителя Татарстана» газетасы таратылды.