Яр Чаллыда агарту эшләре үткәрелде
Татарстан Республикасы Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге белгечләре атна саен шәһәрнең хуҗалык итүче субъектлары һәм кулланучылары өчен профилактик чаралар үткәрә. Әлеге чараларны үткәрүнең төп максаты – шәһәр халкының кулланучылар белемен арттыру.
Бу атнада Чаллы шәһәренең «Мегастрой» кибетендә Татарстан Республикасы Дәүләт алкоголь инспекциясе тарафыннан эшләнгән рус һәм татар телләрендә шәһәр халкы өчен мәгълүмати истәлекләр һәм буклетлар тарату буенча «Грамоталы кулланучы» акциясе үткәрелде. Кибеткә килүчеләр акциядә бик теләп катнаштылар, белгечләр белән аралаштылар, кулланучылар базары өлкәсенә кагылышлы сорауларын бирделәр, квалификацияле җаваплар алдылар һәм әлеге сорауларны хәл итү юллары турында белделәр. Барлык катнашучыларга да Яр Чаллы территориаль органының кайнар линиясе эше турында мәгълүмат бирелде.