«Авокадо» кибетендә консультация чарасы уздырдылар
Яшел Үзән шәһәрендә «Авокадо» челтәренең яңа кибете ачылды. Татарстан Республикасы Дәүләт алкоголь инспекциясенең Яшел Үзән территориаль органы белгечләре яңа объектта булдылар һәм кулланучылар хокукларын яклау мәсьәләләре буенча хезмәткәрләрне укыттылар, кулланучылар өчен консультация өстәле оештырдылар.
Сатучы «Кулланучылар хокукларын яклау турында» 1992 елның 07 февралендәге 2300-1 номерлы РФ Законы таләпләрен һәм РФ Хөкүмәтенең 2020 елның 31 декабрендәге 2463 номерлы карары белән расланган ваклап сату-алу килешүе буенча товарларны сату кагыйдәләрен белергә һәм үтәргә тиеш.
Сатучыларга сатыла торган товарларга бәяләрне рәсмиләштерү һәм урнаштыру кагыйдәләре аңлатылды; товарлар турында аларның дөрес сайлануын тәэмин итә торган мәҗбүри һәм дөрес мәгълүмат булу кирәклеге турында сөйләштеләр. Сатыла торган товарларның яраклылык срокларын һәм товарларны саклау шартларын үтәүне контрольдә тотуны көчәйтүгә аерым игътибар бирелде.
Әңгәмә барышында кулланучылар тарафыннан дәгъва белдерү ысулларына һәм тәртибенә, конфликтлы ситуацияләрне караганда якларның хокукларына һәм бурычларына кагылышлы мәсьәләләр каралды
Кулланучылар хокукларын яклау өлкәсендә файдалы мәгълүмат тупланган буклетлар таратылды.