Хуҗалык итүче субъектлар вәкилләре һәм кулланучылар белән семинар үткәрелде
Татарстан Республикасы Дәүләт алкоголь инспекциясенең Казан территориаль органы эчке базарны үстерү һәм координацияләү бүлеге хезмәткәрләре Казан шәһәре базарларында хуҗалык итүче субъектлар һәм кулланучылар белән семинарлар үткәрделәр.
Чаралар барышында «Кулланучылар хокукларын яклау турында» 1992 елның 7 февралендәге 2300-1 номерлы Россия Федерациясе Законының төп нигезләмәләре, законнардагы үзгәрешләр, 2020 елның 31 декабрендәге 2463 номерлы ваклап сату-алу шартнамәсе буенча товарлар сату кагыйдәләре каралды.
Кулланучылар белән яшелчә, җиләк-җимеш сатуны регламентлый торган норматив документлар каралды, алар нигезендә сатучыларның продуктларның куркынычсызлыгын раслый торган документлары булырга тиеш. Шулай ук сатучыларның медицина яки санитария кенәгәләре булырга тиеш.
Медицина яки санитария кенәгәсе – ул аның хуҗасының медицина тикшерүе нәтиҗәләрен үз эченә алган документ. Ул кешенең хезмәт функцияләрен үтәүгә яраклы булуын раслый һәм хезмәткәрнең билгеле бер эшчәнлек төре белән шөгыльләнү өчен медицина каршылыклары булмавын исбатлый.
Чаралар вакытында катнашучыларга «Кулланучылар хокукларын яклау турында» Россия Федерациясе Законының аерым маддәләре аңлатылган буклетлар тәкъдим ителде.