«Тәмле тамак» кибетендә семинар уздырдылар
Татарстан Республикасы Дәүләт алкоголь инспекциясенең Арча территориаль органы белгече Кукмара шәһәрендәге «Тәмле Тамак» азык-төлек кибете сатучылары өчен кулланучылар хокукларын яклау мәсьәләләре буенча семинар үткәрде.
Сәүдә объекты җитәкчесенә һәм сатучыларына «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законы нигезләмәләре һәм Россия Федерациясе Хөкүмәтенең 2020 елның 31 декабрендәге 2463 номерлы карары белән расланган ваклап сату кагыйдәләре нигезендә аңлатмалар бирелде.
Чара барышында сатыла торган азык-төлек товарларына бәяләрне рәсмиләштерү һәм урнаштыру кагыйдәләре; сатучы турында һәм товарлар турында аларны дөрес сайлап алуны тәэмин итә торган мәҗбүри һәм дөрес мәгълүмат булу турында; төргәкләнгән товарларны һәм икмәк-күмәч әйберләрен сату кагыйдәләре турында аңлатылды.
Сатучыларның игътибары сатыла торган товарларның яраклылык срокларын һәм сатыла торган товарларны саклау шартларын үтәүне контрольдә тотуны көчәйтүгә юнәлтелгән.
Чара барышында катнашучыларга алкоголь продукциясен һәм сыраны ваклап сату өлкәсендәге законнарның төп нигезләмәләре турында аңлатмалар бирелде.