«Аучы-балыкчы» кибетендә чара уздырдылар
Татарстан Республикасы Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге хезмәткәрләре Чаллы шәһәренең «Эссен» сәүдә үзәгендә «Аучы – балыкчы» бүлегендә профилактик чара уздырдылар.
Белгечләр «Кулланучылар хокукларын яклау турында» 1992 елның 07 февралендәге 2300-I номерлы РФ Законының төп нигезләмәләрен аңлаттылар. Сатучылар һәм территориаль орган белгечләре практикасыннан очраклар каралды; фикер алышуда төрле ситуацияләрдән чыгу вариантлары табылды.
Шулай ук белгечләр сыйфатсыз товар саткан һәм сатып алган очракта кулланучының төп хокуклары һәм бурычлары аңлатты.
Сәүдә үзәгенә килгән һәркем кулланучылар базары өлкәсенә кагылышлы сорауларга белгечләрдән квалификацияле җаваплар һәм Татарстан Республикасы Дәүләт алкоголь инспекциясе тарафыннан эшләнгән төрле тематикалы буклетлар алды.