Сатып алучылар белән очрашулар дәвам итә
Татарстан Республикасы Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге белгечләре «Грамоталы кулланучы» акциясен дәвам итәләр һәм кулланучылар белән очрашалар.
Татарстан Республикасы халкының куллану белеме дәрәҗәсен күтәрү, ышанычлы кулланучы тәрбияләү – мондый чараларны үткәрүнең төп максаты.
Чаралар «Татарстан Республикасында кулланучылар хокукларын яклауның комплекслы системасын үстерү» процесслы чаралар комплексын гамәлгә ашыру кысаларында үткәрелә. Шул ук программаны үтәү йөзеннән Татарстан Республикасы Дәүләт алкоголь инспекциясе тарафыннан тар мәгълүмат, «Кулланучылар хокукларын яклау турында» РФ Законы маддәләреннән өзекләр булган мәгълүмати буклетлар һәм брошюралар эшләнде. Очрашуда катнашучыларның һәрберсенә мәгълүмати белешмәләр һәм буклетлар таратылды. Алар кулланучыга үзен кызыксындырган мәсьәлә буенча тиз арада җавап алырга һәм куелган бурычны нәтиҗәле хәл итәргә, үз хокукларын якларга мөмкинлек бирә.
Чаллы шәһәренең «Бәйрәм» кибетендә, «Икмэк» сәүдә йортында сатып алучылар белгечләр белән киңәшләштеләр, кулланучылар базары өлкәсендәге барлык сорауларга квалификацияле җаваплар алдылар. Кулланучыларга шулай ук Татарстан Республикасы Дәүләт алкоголь инспекциясенең Чаллы территориаль органы кайнар линиясе телефоны эше турында да хәбәр ителде: (88552)71-43-03.