Баулы шәһәрендә яхшы күршелек фестивалендә катнаштылар
2025 елның 06 августында Баулының төп мәйданында "Безнең ишегалды" дип аталган рухи күршелек фестивале узды. Бәйрәмгә шәһәр халкы, кунаклар җыелды. Балалар өчен йомшак уенчыклар, аппликацияләр һәм башкалар ясау буенча мастер-класслар оештырылды. Әлеге чарада Татарстан Республикасы Дәүләт алкоголь инспекциясенең Әлмәт территориаль органы белгече Кадрия Галиева да катнашты.
Фестиваль кысаларында кулланучылар өчен мәгълүмати-консультация өстәле оештырылды, анда теләгән һәркем квалификацияле ярдәм һәм кулланучылар хокукларын яклауга кагылышлы мәсьәләләр буенча аңлатмалар ала алды.
Оешма хезмәткәре аңлату эшләре алып барды һәм гражданнарның түбәндәге юнәлешләр буенча сорауларына җавап бирде:
- сыйфатсыз товарларны кире кайтару һәм алмаштыру тәртибе;
- хезмәт күрсәткәндә кулланучыларның хокуклары;
- өстәмә хезмәтләрне көчләп тагу гамәлләре;
- контроль органнарына дәгъвалар һәм мөрәҗәгатьләр рәсмиләштерү;
- интернет аша сатып алынган товарларны кире кайтару үзенчәлекләре.
Кулланучылар грамоталылыгын арттыру өчен барлык катнашучыларга Татарстан Республикасы Дәүләт алкоголь инспекциясенең территориаль органнары турында мзгълүмат белән кулланучылар хокуклары турында белешмәләр тапшырылды.