Кулланучылар өчен законнарны аңлату акциясе турында
Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге җитәкчесе Ләйсән Абдуллина Арча шәһәренең үзәк китапханәсендә укучылар һәм хезмәткәрләр өчен викторина үткәрде.
Чара барышында «Кулланучылар хокукларын яклау турында»гы Законның төп маддәләре, 2020 елның 31 декабрендәге 2463 номерлы ваклап сату-алу шартнамәсе буенча товарларны сату кагыйдәләре аңлатылды. Катнашучылар актив булдылар, берьюлы берничә сорауга җавап бирделәр. Шуның белән әлеге өлкәдә үз белемнәрен тикшерә алдылар.
Килүчеләр кулланучылар хокукларын яклау буенча барлык кызыксындырган сораулар буенча консультацияләр алдылар. Шулай ук катнашучыларга Кулланучылар хокукларын яклау өлкәсендә гамәлдәге законнарга аңлатмалар язылган брошюралар рәвешендәге мәгълүмати белешмәләр һәм зур булмаган кызыксындыру бүләкләре таратылды.