Гипермаркетта укыту чарасы уздырдылар

2025 елның 19 августы, сишәмбе

Татарстан Республикасы Дәүләт алкоголь инспекциясенең Казан территориаль органы хезмәткәре «Ашан» гипермаркетында сатучылар һәм сатып алучылар белән укыту чарасы уздырды.

Чара кысаларында Кулланучылар хокукларын яклаучы төп законнар, сәүдәнең яңа кагыйдәләре турында фикер алыштылар. Катнашучылар клиентларның шикаятьләрен ничек дөрес карарга, сатып алучыларга товар һәм кибет турында кирәкле мәгълүмат бирергә, шулай ук дәгъваларны ничек төзергә икәнен белделәр.

Чара барышында катнашучыларга «Кулланучылар хокукларын яклау турында» РФ Законының аерым маддәләре аңлатылган буклетлар таратылды.