Гражданнарга сәүдә һәм кулланучылар хокукларын яклау мәсьәләләре буенча консультацияләр бирделәр

2025 елның 20 августы, чәршәмбе

Теләче районының Олы Мәтәскә авыл җирлегендә һәм Әтнә районының Кышкыл авыл җирлегендә кулланучылар хокукларын яклау мәсьәләләре буенча гражданнарны күчмә кабул итүләр узды. Чараларны Татарстан Республикасы Дәүләт алкоголь инспекциясенең Арча территориаль органы башлыгы Булат Кадыйров үткәрде.

Авыл халкына үткәреләчәк чара турында игъланнар аша алдан ук хәбәр ителде һәм алар билгеләнгән вакытта кызыксындырган сораулар белән территориаль орган хезмәткәренә мөрәҗәгать иттеләр. Авыл халкы сәүдә белән бәйле мәсьәләләр турында сораулар бирде.  Чара азагында барлык катнашучыларга буклетлар һәм «Вестник потребителя Татарстана» газетасы таратылды.