Россия Федерациясе Дәүләт флагы көне белән!
22 август - Россия Федерациясенең Дәүләт флагы көне. Россия триколоры дөньяның барлык почмакларында да билгеле.
Ул дәүләт учреждениеләрен бизи, сугышчан җиңүләрне һәм күренекле хезмәт казанышларын билгели, халыкара очрашуларны һәм мөһим вакыйгаларны озата бара.
Бүген Тәтеш шәһәренең Үзәк паркында Россия Федерациясе Дәүләт флагы көненә багышланган «Россиянең горур триколоры» дип аталган чара узды. Бәйрәмгә шәһәр халкы, кунаклары җыелды.
Чарада катнашучылар россия триколоры символикасы, аның әһәмияте һәм бәйрәм итү традицияләре турында белделәр. Мондый чара һәр гражданинда горурлык һәм патриотизм хисе уята, Ватанга мәхәббәтне һәм дәүләт символларына хөрмәтне ныгыта.
Әлеге чарада Татарстан Республикасы Дәүләт алкоголь инспекциясенең Яшел Үзән территориаль органы контроль-инспекция бүлегенең әйдәүче белгеч-эксперты Елена Сазонова катнашты. «Татарстанда җәй» республика программасы кысаларында ул кулланучылар өчен мәгълүмати-консультация өстәле оештырды, анда теләгән һәркем квалификацияле ярдәм һәм кулланучылар хокукларын яклауга кагылышлы мәсьәләләр буенча аңлатмалар алды. Кулланучылар грамоталылыгын арттыру өчен барлык катнашучыларга буклетлар һәм истәлекләр рәвешендә мәгълүмати-белешмә материал таратылды, анда Татарстан Республикасы Дәүләт алкоголь инспекциясенең территориаль органнары элемтәләре белән кулланучылар хокуклары турында кыскача мәгълүмат тупланган.