Йолдыз бистәсендә гражданнарны күчмә кабул итү һәм семинар-укулар үткәрелде
Татарстан Республикасы Дәүләт алкоголь инспекциясенең Чистай территориаль органы башлыгы эчке базарны үстерү һәм координацияләү бүлеге консультанты белән берлектә Йолдыз бистәсендә яшәүчеләрне кулланучылар хокукларын яклау турындагы законнарны аңлату буенча күчмә кабул итү үткәрде. Шунда ук авыл җирлеге башкарма комитеты белгечләре өчен семинар-уку оештырылды.
Авыл җирлегендә яшәүчеләр белән очрашуда кулланучылар хокукларын яклау турындагы законнарга кагылышлы мәсьәләләр каралды. Мәсәлән, башкаручы җиһаз ясау срокларын бозган очракта; дистанцион ысул белән сатып алынган товарда җитешсезлекләр ачыкланган очракта кулланучылар хокукларын аңлаттылар. Алдан түләнгән җиһазны билгеләнгән вакытта китермәгән кулланучыга киңәшләр бирделәр. Гражданнарны кабул итү барышында Татарстан Республикасы Дәүләт алкоголь инспекциясе компетенциясенә караган башка мәсьәләләр дә каралды.
Семинар кысаларында Башкарма комитет белгечләре белән Татарстан Республикасы дәүләт программасының «Кулланучылар хокукларын яклауның комплекслы системасын үстерү» процесслы чаралар комплексын карадылар, аларның игътибарын соңгы берничә елда «Кулланучылар хокукларын яклау турында» РФ Законына кертелгән үзгәрешләргә юнәлттеләр. Мәсәлән, сизелерлек үзгәрешләр законның 16 маддәсенә кагыла, ул сатучыларга килешүләргә кулланучылар хокукларын кыса торган шартларны кертүне тыя. Статьяның 1 пунктында Шартнамәнең кулланучы хокукларын кыса торган ярамый торган шартлары юк, дип әйтелә. Моннан тыш, уртак эш барышында сатучыга дәгъва белдерү тәртибен карадылар.