Яңа Чишмә авылы базарында кизү тордылар
Татарстан Республикасы Дәүләт алкоголь инспекциясенең Чистай территориаль органы хезмәткәрләре базарларда даими нигездә кизү торалар, бу кулланучылар мөрәҗәгатьләрен киметү һәм карау максатларында актуаль булып тора.
Кизү тору вакытында кулланучылар үзләрен кызыксындырган сорауларга җаваплар алдылар:
- чек булмаса, базардан сатып алынган товарны кире кайтарып буламы?
- әгәр сатучы акчаны кире кайтарудан баш тартса, нишләргә һәм кая мөрәҗәгать итәргә?
- әгәр сатучы конкрет базардан китсә товарны ничек кире кайтарырга һәм дәгъва нинди срокларда карала?
Кулланучылар хокукларын яклау турындагы законнарга нигезләнеп, хезмәткәрләр кулланучыларга җентекле җаваплар бирделәр, борчыган сорауларга карата гамәлләр алгоритмын аңлаттылар.
Гражданнар күпләп җыела торган урыннарда профилактика чаралары үткәрү нәтиҗәсендә үз эшчәнлекләрен базарларда гамәлгә ашыручы шәхси эшмәкәрләрнең гамәлләренә һәм гамәл кылмауларына керә торган мөрәҗәгатьләр саны кими.
Барлык сатып алучыларга һәм шәхси эшмәкәрләргә мөстәкыйль өйрәнү өчен кулланучылар хокукларын яклау буенча мәгълүмати материал тәкъдим иттеләр.