Консультация өстәлен Түбәнге Карамалы шәһәр тибындагы бистә китапханәсендә оештырдылар
ТР Дәүләт алкоголь инспекциясенең Яшел Үзән территориаль органы эчке базарны үстерү һәм координацияләү бүлеге хезмәткәрләре Түбән Карамалы бистәсе китапханәсендә кулланучылар хокукларын яклау мәсьәләләре буенча консультация өстәле оештырды. Кулланучы үз хокукларын белергә тиеш. Кулланучылар хокукларын яклау өлкәсендә халыкны агарту кулланучыга товарлар һәм хезмәт күрсәтүләрнең кулланучылар базарында үзен ышанычлырак хис итәргә, сатып алуларга җентекләбрәк һәм сакчылрак карарга мөмкинлек бирә һәм товарлар сатып алганда, шартнамәләр төзегәндә гражданнарны «Кулланучылар хокукларын яклау турында» Россия Федерациясе Законы нигезләмәләрен мөстәкыйль куллануга этәрә.
Законның иң актуаль статьяларын карадылар: кулланучының тиешле сыйфатлы товарны алмаштыру хокукы һәм тиешле сыйфатлы, алмаштырылырга тиеш булмаган азык-төлек булмаган товарлар исемлеге; товарны дистанцион сату ысулы турында; товарда кимчелекләр табылганда кулланучының хокуклары турында. Катнашучыларга Татарстан Республикасы Дәүләт алкоголь инспекциясенең дәгъва үрнәкләрен һәм күп кенә файдалы һәм кирәкле мәгълүматларны табарга мөмкин булган сайты булуы турында мәгълүмат бирделәр, шулай ук кулланучылар хокукларын яклау өлкәсенә кагылышлы буклетлар һәм истәлекләр рәвешендә мәгълүмати ярдәмлекләр, «Вестник потребителя Татарстана» газетасы тәкъдим ителде.