Закон нигезләре турында аңлаешлы формада сөйләделәр
Яшел Үзәндә иң матур чараларның берсе - ишегалды бәйрәмнәре дәвам итә. Биредә һәркемне җыр һәм биюләр, уен һәм конкурслар, викторина һәм интеллектуаль сораулар, шулай ук күңелле хис-кичерешләр һәм яхшы кәеф көтә.
Татарстан Республикасы Дәүләт алкоголь инспекциясенең Яшел Үзән территориаль органы хезмәткәрләре дә бәйрәмдә катнаштылар һәм төрле яшьтәге балалар өчен куллану грамоталыгы нигезләре буенча чара оештырдылар.
Балаларга аңлаешлы формада «Кулланучылар хокукларын яклау турында»гы закон нигезләре һәм ваклап сату-алу килешүе буенча сату кагыйдәләре турында сөйләделәр, ә аннары «Закон турында син нәрсә беләсең?» дигән конкурс оештырдылар. Балалар конкурста бик теләп катнаштылар. Иң актив катнашучыларга, әлбәттә, бүләкләр бирелде.
Катнашучыларның барысына да кулланучылар хокукларын яклау өлкәсенә кагылышлы белешмәләр һәм «Вестник потребителя Татарстана» газетасы таратылды.