Яшел Үзәндә эшлекле очрашу узды
Татарстан Республикасы Дәүләт алкоголь инспекциясенең Яшел Үзән территориаль органы башлыгы Рифат Сөнгатуллин «Иристон» осетин милли-мәдәни үзәге» Татарстан төбәк иҗтимагый оешмасы вәкиле, Татарстан Республикасы Адвокатлар палатасы адвокаты Владимир Коцубей белән эшлекле очрашу үткәрде. Очрашу алкоголь базарын җайга салу һәм иҗтимагый оешмалар белән үзара хезмәттәшлеккә бәйле актуаль мәсьәләләр буенча фикер алышуга юнәлдерелгән иде.
Владимир Коцубейның Татарстан Республикасы Дәүләт алкоголь инспекциясе эшчәнлеге белән таныш булуын ассызыклап үтәргә кирәк. Элегрәк, Россия Федерациясе Тикшерү комитетының Татарстан Республикасы Яшел Үзән шәһәре буенча тикшерү бүлеге башлыгы урынбасары вазыйфасын башкарганда, ул хезмәт әзерлеге кысаларында территориаль орган хезмәткәрләре белән укыту-методик дәресләр үткәрде.