Кулланучылар грамоталыгын арттыру буенча дәрес үткәрелде

2025 елның 4 сентябре, пәнҗешәмбе

2025 елның 03 сентябрендә Татарстан Республикасы Дәүләт алкоголь инспекциясенең Арча территориаль органы бүлеге җитәкчесе Ләйсән Абдуллина Арча районы Иске Ашыт мәктәбенең 8-9 сыйныф укучылары өчен кулланучылар хокуклары буенча сыйныфтан тыш чара үткәрде. Азык-төлек, техника сатып алу, җәмәгать туклануы, мобиль элемтә һәм банк хезмәтләре буенча практик мәсьәләләр каралды. Укучыларга «Кулланучылар хокукларын яклау-2025» республика олимпиадасы турында мәгълүмат бирелде. Дәрес темасына кагылышлы файдалы брошюралар һәм «Вестник потребителя Татарстана» газетасы таратылды. Өстәмә рәвештә Ташкичү авылы халкын кабул иттеләр, анда онлайн-сатып алулар, сыйфатсыз товарны кире кайтару һәм гарантияле ремонт сроклары турындагы сорауларга җавап бирделәр.