Балтач районының Күгенүр авылында гражданнарны кабул иттеләр
2025 елның 4 сентябрендә Татарстан Республикасы Дәүләт алкоголь инспекциясенең Арча территориаль органы хезмәткәрләре Балтач муниципаль районының Күгенүр авылында кулланучылар хокукларын яклау мәсьәләләре буенча чираттагы тапкыр гражданнарны кабул иттеләр.
Чара кысаларында сәүдә өлкәләренә кагылдылар. Кабул итү барышында барлык мөрәҗәгать итүчеләргә «Кулланучылар хокукларын яклау турында» 1992 елның 07 февралендәге 2300-1 номерлы Россия Федерациясе Законы нигезендә аңлатмалар бирелде.
Чара кулланучылар хокукларын яклау буенча мәгълүмати-агарту буклетлары һәм «Вестник потребителя Татарстана» газетасы тарату белән үрелеп барды.
Территориаль орган хезмәткәрләре авыл җирлеге территориясендә эшкуарлык эшчәнлеге алып баручы сәүдә объектларында булдылар. Кулланучылар базары өлкәсендә хокук бозуларны кисәтү максатларында сәүдә кагыйдәләре нигезендә тәкъдимнәр бирелде.
Шундый ук чара 2025 елның 5 сентябрендә Татарстан Республикасы Теләче муниципаль районының Олы Мишә авыл җирлегендә узды.