Халык файдасына бергәләп эшләү турында
Дәүләт хакимияте органнары һәм җирле үзидарә органнарының уртак эше күп кенә бурычларны тормышка ашыруда ярдәм итә, кешеләрнең проблемаларын, халыкның тормыш мәнфәгатьләрен хәл итәргә булыша. Хакимият вәкилләре һәм җирле халык арасындагы үзара хезмәттәшлек формаларының берсе – гражданнар белән даими очрашулар үткәрү. ТР Дәүләт алкоголь инспекциясенең Түбән Кама территориаль органы хезмәткәре Мөслим районында Олы Чакмак авыл советы белгечләре, шулай ук авыл халкы белән эшлекле очрашу үткәрде. Анда «Кулланучылар хокукларын яклау турында» РФ кануны аңлатылды. Түбән Кама территориаль органы хезмәткәре финанс, туристлык, көнкүреш хезмәтләре өлкәсендә, шулай ук азык-төлек һәм азык-төлек булмаган товарлар сатып алганда кулланучыларның хокукларын аңлатты.
Очрашу барышында халыкка ТР Дәүләт алкоголь инспекциясе вәкаләтләре турында сөйләделәр, тематик белешмәләр һәм «Вестник потребителя Татарстана» газеталары тараттылар, катнашучыларның сорауларына җавап бирделәр.