Социаль яктан якланмаган төркем өчен чара үткәрелде
Татарстан Республикасы Дәүләт алкоголь инспекциясенең Чистай территориаль органы белгече Яңа Чишмә өлкәннәр һәм инвалидлар интернат-йортында кулланучылар законнары нигезләре буенча лекция оештырды. Лекциянең максаты - кулланучылар хокукларын яклау өлкәсендә хокукый мәгълүмат җиткерү.
Очрашу дустанә атмосферада, саф һавада узды. Пенсионерларга кулланучылар хокукларын яклау, шул исәптән финанс хезмәтләре күрсәтү өлкәсендәге закон нормалары аңлатылды.
Катнашучыларга кулланучы белән эшкуарлык эшчәнлеге субъекты (җитештерүче, башкаручы, сатучы) арасында барлыкка килә торган мөнәсәбәтләрне җайга салуга юнәлдерелгән дәүләт һәм иҗтимагый хәрәкәтләр тарафыннан гамәлгә ашырыла торган чаралар комплексы турында мәгълүмат җиткерелде. Гражданнарга кулланучыларның конкрет хокуклары, хокукларны бозу формалары һәм аларны яклау механизмы, кулланучылар хокукларын бозган өчен җаваплылык, алынган мәгълүматны үзләренең законлы хокукларын яклау өчен куллану ысуллары аңлатылды.
Товарлар сатып алу яисә хезмәт күрсәтү мәсьәләләре буенча бәхәсле хәл килеп чыккан очракта, катнашучыларга Татарстан Республикасы Дәүләт алкоголь инспекциясенең Чистай территориаль органына яисә Роспотребнадзорның Татарстан Республикасы буенча идарәсенә мөрәҗәгать итәргә киңәш ителә.
Мөстәкыйль өйрәнү өчен пенсионерларга буклетлар һәм «Вестник потребителя Татарстана» газетасын тәкъдим иттеләр.