Чаллы шәһәренең «Изгелек» үзәгендә очрашу узды
Татарстан Республикасы Дәүләт алкоголь инспекциясенең Чаллы территориаль органы эчке базарны үстерү һәм координацияләү бүлеге белгечләре сәламәтлекләрен яхшыртучы яшүсмерләр белән очрашты.
Мондый очрашулар һәрвакыт белгечләрдән аерым якын килүне һәм аралашуның аерым формасын таләп итә. Барлык мәгълүматны тыңлаучыга аңлаешлы телдә трансляцияләргә кирәк. Кулланучы хокукларын яклау бүлегенең тәҗрибәле белгечләре куелган бурычны бик яхшы башкаралар. Тыңлаучыларга «Кулланучылар хокукларын яклау турында» 1992 елның 07 февралендәге 2300-1 номерлы РФ Законының төп маддәләре турында мәгълүмат җиткерелде. Кулланучы һәм җитештерүче; тиешле сыйфатлы товарлар һәм тиешле сыйфатсыз товарлар; кулланучының һәм сатып алучының хокуклары һәм бурычлары төшенчәләре аңлатылды.
Кулланучы үз хокукларын ничек яклый алуы турында сөйләштеләр.Кулланучы буларак хокуклар бозылган очракта, таләпләрне ничек куярга? Очрашу вакытында, мисаллар ярдәмендә, төрле конфликтлы ситуацияләрне хәл итү ысулларын һәм тәртибен тикшерделәр.
Тыңлаучылар үзләренең тормыш хәлләреннән сораулар бирделәр, белгечләр һәр сорауга тулы һәм квалификацияле җаваплар бирде.
Мондый очрашуларның максаты - халыкның кулланучылар белемен арттыру һәм һәр кешенең, шулай ук мөмкинлекләре чикләнгән кешеләрнең, сәламәтлекләре нинди булуга карамастан, кулланучы буларак үз хокукларын белүе һәм яклый алуы бик мөһим.
«Изгелек» үзәге җитәкчелеге үткәрелгән чара һәм уртак нәтиҗәле хезмәттәшлек өчен зур рәхмәт белдерде.