Сәүдә объектында агарту эшләре үткәрелде
Татарстан Республикасы Дәүләт алкоголь инспекциясе халыкның һәм бизнесның кулланучылар белемен арттыру белән актив шөгыльләнә. Бу эшнең бер коралы булып аңлату эшчәнлеге тора.
2025 елның 22 сентябрендә Татарстан Республикасы Дәүләт алкоголь инспекциясенең Арча территориаль органы эчке базарны үстерү һәм координацияләү бүлеге хезмәткәре «Марат» ҖЧҖ сәүдә объекты (Арча шәһәре) сатучылары өчен аңлату эшләре үткәрде.
«Кулланучылар хокукларын яклау турында» РФ Законының һәм «ваклап сату-алу килешүе буенча товарлар сату кагыйдәләре»нең төп нигезләмәләре турында фикер алыштылар. Шулай ук кире кайтарып яки алыштырып булмый торган тиешле сыйфатлы товарлар исемлеге һәм кулланучыларга мәгълүмат бирү ысуллары аңлатылды.
Чара мәгълүмати материаллар тарату белән тәмамланды.