Күпфункцияле үзәккә килүчеләр белән аңлату эшләре үткәрелде
Татарстан Республикасы Дәүләт алкоголь инспекциясенең Арча территориаль органы хезмәткәре Ирина Галимова Теләче районының күпфункцияле үзәгенә килүчеләр белән кулланучылар хокукларын яклау мәсьәләләре буенча аңлату эшләре үткәрде.
Белгеч гражданнарга «Кулланучылар хокукларын яклау турында» РФ Законының төп нигезләмәләрен аңлатты. Ул ассызыклаганча, һәр кулланучы сыйфатлы хезмәт күрсәтү һәм товар сатып алу, шулай ук тиешле сыйфатта булмаган товарны кире кайтару яки алыштыру, йә аерым очракларда акчаларны кире кайтару хокукына ия.
Чара азагында килүчеләргә хокуклары бозылган очракта ярдәм сорап кая мөрәҗәгать итәргә кирәклеге турында мәгълүмат бирелде. Шулай ук аларга Кулланучылар хокуклары һәм Татарстан Республикасы Дәүләт алкоголь инспекциясе территориаль органнарының контакт мәгълүматлары тупланган буклетлар һәм белешмәләр таратылды.