Өлкәннәр көненә багышланган авыл хуҗалыгы ярминкәсе оештырылды
2025 елның 27 сентябрендә Арчада өлкәннәр көненә багышланган авыл хуҗалыгы ярминкәсе узды. Ярминкәнең максаты - җирле җитештерүчеләргә ярдәм итү һәм товарларны сату өчен өстәмә юллар булдыру. Авыл халкы бу чарада актив катнашты, азык-төлек һәм авыл хуҗалыгы товарлары сатып алды.
Ассортиментка казылык, сыр, ит, балык, яшелчә, бал, җиләк-җимеш, кондитер әйберләре, шулай ук ашлык, печән, салам һәм утын кергән. Җитештерүчеләр үз продукцияләрен уңышлы саттылар, сатып алучыларга сыйфатлы һәм экологик яктан чиста товарлар тәкъдим иттеләр.
Татарстан Республикасы Дәүләт алкоголь инспекциясенең Арча территориаль органы белгечләре кулланучылар хокукларын яклау буенча консультацияләр үткәрделәр, тематик буклетлар һәм «Вестник потребителя Татарстана» газетасы тараттылар.