Өлкәннәр хөрмәтенә чара
Октябрьнең беренче көннәрендә Халыкара өлкәннәр көнен билгеләп үтү күркәм традициягә әверелде. 2025 елның 2 октябрендә Буа шәһәренең салым инспекциясе бинасында пенсионерлар белән очрашу булды. Эшләүче коллегалар үзләренең ветераннарын Өлкәннәр көне белән котларга килделәр. Өлкән яшьтәге кешеләргә карата бик күп җылы сүзләр әйтелде. Барысына да сәламәтлек һәм иң изге теләкләр теләделәр.
Бу чарада Татарстан Республикасы Дәүләт алкоголь инспекциясенең Зеленодольск территориаль органы хезмәткәре Гүзәл Гайнуллина катнашты. Белгеч үзенең чыгышында пенсионерларны котлады. Катнашучыларга кулланучы, башкаручы, сатучы арасында барлыкка килә торган мөнәсәбәтләрне җайга салуга юнәлдерелгән дәүләт һәм иҗтимагый хәрәкәтләр тарафыннан гамәлгә ашырыла торган чаралар комплексы турында мәгълүмат җиткерде.
Чара азагында кулланучыга Татарстан Республикасы Дәүләт алкоголь инспекциясенең Зеленодольск территориаль органы координаталары салынган буклетлар таратылды.