Өлкән яшьтәге кешеләрнең хокукый грамоталылыгын арттыру буенча чара үткәрелде
Татарстан Республикасы Дәүләт алкоголь инспекциясенең Чистай территориаль органы белгече өлкәннәрнең хокукый грамоталылыгын арттыру һәм аларга кулай юридик ярдәм күрсәтү максатларында Базарлы Матак авылы базарында Өлкәннәр көненә багышланган чираттагы кизү торды.
Гражданнарның әлеге категориясе аларның хокукларын бозуга аеруча бирешә. Яше һәм сәламәтлеге торышы аркасында алар халыкның иң якланмаган төркеме булып торалар: еш кына мошенниклар корбаны булалар, үз хокуклары һәм бурычлары турында җитәрлек мәгълүматка ия түгелләр, үз хокукларын яклау мөмкинлеге дә юк.
Чарада катнашучыларга сыйфатсыз товарлар сатып алуга бәйле сорауларга җаваплар бирелде. Моннан тыш, кулланучының товарларның җитешсезлекләренә карата таләпләр кую срокларын, тиешле сыйфатлы товарны алмаштыру тәртибен һәм башка бик күп нәрсәләрне аңлаттылар.
Өлкән яшьтәге кешеләргә акча урлау максатында ялгыш юлга этәрүче кешеләрнең эш итү механизмнары турында мәгълүмат бирделәр.
Барлык теләүчеләргә кулланучылар мөнәсәбәтләре өлкәсендә актуаль темаларга мәгълүмат буклетлары таратылды.