Кибеттә консультация-аңлату эшләре үткәрелде
Кулланучылар хокуклары бозылуны кисәтү максатында Татарстан Республикасы Дәүләт алкоголь инспекциясенең Чистай территориаль органы хезмәткәрләре кулланучылар базарында катнашучылар белән даими рәвештә консультация-аңлату эшләре алып баралар.
Чаралар кысаларында Татарстан Республикасы Дәүләт алкоголь инспекциясенең Чистай территориаль органы белгече Болгар шәһәренең «Вера» ҖЧҖ сәүдә объектында сатучылар өчен уку семинары һәм кулланучылар өчен консультация өстәле уздырды. Бу кибеттә азык-төлек товарлары да, көндәлек ихтыяҗ товарлары да сатыла.
Кибет сатучыларына аларны дөрес сайлап алу мөмкинлеген тәэмин итә торган товарлар турында кирәкле һәм дөрес мәгълүмат бирү, сатыла торган товарларның сыйфатын һәм куркынычсызлыгын раслый торган кирәкле документлар булу турында киңәшләр бирделәр. Сатучыларның игътибарын азык-төлекне саклауның температура режимын, яраклылык срокларын һәм товар күршелеген үтәүгә юнәлттеләр. Кибеткә килүчеләргә кулланучылар хокукларын яклау мәсьәләләре буенча консультацияләр бирделәр.
Чарада катнашучыларга кулланучылар базары өлкәсендәге белешмәләр һәм буклетлар таратылды.