Әлмәттә авыл хуҗалыгы ярминкәсе узды
4 октябрьдә Әлмәттә авыл хуҗалыгы ярминкәсе узды, анда җирле җитештерүчеләрнең, фермерларның һәм шәһәр халкының продукциясе тәкъдим ителде. Шәһәрлеләр яшелчә, җиләк-җимеш, ит һәм сөт продукциясе, бал, шулай ук башка товарларны җитештерүчеләрдән арзан бәядән сатып ала алдылар.
Ярминкә кысаларында Әлмәт территориаль органының эчке базарны үстерү һәм координацияләү бүлеге хезмәткәрләре актив катнашты. Белгечләр халык арасында кулланучылар хокукларын яклау турындагы законнарны үтәү мәсьәләләре буенча аңлату эшләре үткәрделәр, тиешле сыйфатта булмаган товарларны кире кайтару тәртибе турында сөйләделәр һәм продукция сатып алганда гражданнарның хокуклары турында искә төшерделәр. Халыкка Мәгълүмати белешмәләр һәм файдалы киңәшләр белән буклетлар тараттылар.
Ярминкәгә килүчеләр җирле җитештерүнең сыйфатлы продуктларын сатып алу һәм белгечләрдән квалификацияле консультация алу мөмкинлеге алды.