Биектау районында профилактик чаралар уздырдылар
Татарстан Республикасы Дәүләт алкоголь инспекциясенең Казан территориаль органы хезмәткәрләре ведомство карамагындагы Биектау муниципаль районы территориясендә кулланучылар хокукларын яклау мәсьәләләре буенча профилактик чаралар үткәрделәр.
Катнашучыларга кулланучыларның шикаятьләрен һәм мөрәҗәгатьләрен карау тәртибе, сатучы һәм сатыла торган товар турында сатып алучылар өчен кирәкле мәгълүмат булу, бәяләмәләр һәм тәкъдимнәр китабын бирү турындагы таләпләр аңлатылды. Шулай ук мошенниклыкка каршы профилактик әңгәмәләргә аерым игътибар бирелде.
Катнашучылар «кулланучылар хокукларын яклау турында»1992 елның 7 февралендәге 2300-1 номерлы Россия Федерациясе Законының төп нигезләмәләре белән таныштылар.
Хезмәткәрләр социаль әһәмиятле товарларга мониторинг үткәрделәр. Чара мәгълүмати материал: «кулланучылар хокукларын яклау турында»Россия Федерациясе Законының аерым статьялары аңлатылган буклетлар тарату белән үрелеп барды.