Халыкның социаль яктан зәгыйфь төркемнәре өчен хокукый мәгълүмат бирү чарасы үткәрелде
Татарстан Республикасы Дәүләт алкоголь инспекциясенең Чистай территориаль органы белгече Яңа Чишмә өлкәннәр һәм инвалидлар интернат-йортында чара үткәрде.
Чараның максаты-халыкның социаль яктан зәгыйфь төркеменә кулланучылар хокукларын яклау өлкәсендәге, шул исәптән финанс хезмәтләре күрсәтү өлкәсендәге хокукый мәгълүматны җиткерү.
Очрашу актив әңгәмә формасында дустанә атмосферада узды. Катнашучыларга кулланучы белән эшкуарлык эшчәнлеге субъекты арасында барлыкка килә торган мөнәсәбәтләрне җайга салуга юнәлдерелгән дәүләт һәм иҗтимагый хәрәкәтләр тарафыннан гамәлгә ашырыла торган чаралар комплексы турында мәгълүмат җиткерелде.
Чарада катнашучыларга Татарстан Республикасы Дәүләт алкоголь инспекциясе эшчәнлеге турында сөйләделәр. Катнашучыларның игътибарын «кулланучылар хокукларын яклауның комплекслы системасын үстерү» процесслы чаралар комплексына юнәлттеләр, аның максаты Татарстан Республикасында Россия Федерациясе законнарында билгеләнгән кулланучылар хокукларын нәтиҗәле яклау өчен шартлар тудыру, товарлар, эшләр һәм хезмәт күрсәтүләрнең кулланучылар базарын үстерү.
Озакка сузылган әңгәмә барышында Кулланучылар хокукларын яклау турындагы законнар мәсьәләләренең киң спектры колачланды.
Чара азагында буклетлар, «Вестник потребителя Татарстана»газетасы таратылды.