Нурлат шәһәренең авыллар арасындагы үзәк китапханәсендә өлкәннәр белән очрашу узды
Өлкәннәрнең хокукый грамоталылыгын арттыру максатларында Татарстан Республикасы Дәүләт алкоголь инспекциясенең Чистай территориаль органы һәм Роспотребнадзорның Татарстан Республикасы буенча идарәсе белгечләре Нурлат шәһәренең җирлекара үзәк китапханәсендә чара үткәрделәр.
Чараның максаты-өлкәннәргә кулланучылар хокукларын яклау өлкәсендә хокукый мәгълүмат җиткерү. Чөнки халыкның социаль яктан зәгыйфь төркемнәре намуссыз сатучылар һәм башкаручылар йогынтысына ешрак эләгә. Очрашу актив әңгәмә формасында дустанә атмосферада узды. Пенсионерларга товарларның сыйфаты буенча дәгъва белдерү ысуллары һәм тәртибе, якларның хокуклары һәм бурычлары, сыйфатсыз күрсәтелгән хезмәтләр вакытында проблемаларны хәл итү юллары, кулланучының аерым таләпләрен канәгатьләндерү сроклары аңлатылды.
Мөстәкыйль өйрәнү өчен чарада катнашучыларга кулланучылар хокуклары буенча белешмәләр һәм «Вестник потребителя Татарстана»газетасының соңгы чыгарылышы таратылды.