Балык Бистәсе районында семинар
Татарстан Республикасы Дәүләт алкоголь инспекциясенең Казан территориаль органы хезмәткәре ведомство буйсынуындагы Балык Бистәсе районы территориясендә хокукый грамоталылык дәрәҗәсен күтәрүгә һәм халыкка кулланучылар хокукларын яклау, шулай ук хуҗалык субъектлары белән кулланучыларга хезмәт күрсәтүнең сыйфаты һәм культурасы мәсьәләләре турында мәгълүмат бирүгә юнәлдерелгән чаралар үткәрде.
Чара барышында сәүдә өлкәсендәге мәсьәләләр, атап әйткәндә, сыйфатсыз товарларны сату һәм төрле ситуацияләрдә аларны хәл итү юллары турында сүз барды. Россия Федерациясе Хөкүмәтенең 2020 елның 31 декабрендәге 2463 номерлы карары белән расланган «кулланучылар хокукларын яклау турында» 1992 елның 7 февралендәге 2300-1 номерлы Законының 18 статьясы, ваклап сату-алу шартнамәсе буенча товарларны сату кагыйдәләре нигезендә аңлатмалар бирелде.
Хезмәткәр шулай ук социаль әһәмиятле товарларга мониторинг үткәрде. Чара мәгълүмати материал: кулланучылар хокукларын яклау өлкәсендә гамәлдәге законнарга актуаль темалар буенча аңлатмалар салынган буклетлар рәвешендәге белешмәләр һәм «Вестник потребителя Татарстана» газетасы белән үрелеп барды.