Акыллы куллануга күчү
Татарстан Дәүләт алкоголь инспекциясенең Яр Чаллы территориаль органы эчке базарны үстерү һәм координацияләү бүлеге хезмәткәрләре Яр Чаллы шәһәрендәге Хезмәт ветераннары пансионаты пенсионерлары белән очрашу үткәрделәр. Төп тема БМО тарафыннан «тотрыклы яшәү рәвешенә Гадел күчү»дип игълан ителгән 2025 елгы Бөтендөнья кулланучылар хокукларын яклау көне турында фикер алышу булды.
Белгечләр җыелганнарга экологик аңлы куллануның әһәмияте турында сөйләделәр, үз-үзеңне тотуның гадәти модельләрен яңадан карау кирәклеген ассызыкладылар. Сүз азык-төлек продуктларын, көнкүреш товарларын һәм хезмәт күрсәтүләрне сайлау, табигатькә йогынтыны минимальләштерү һәм җирле җитештерүчеләрнең өстенлекләре турында барды. Катнашучылар сертификацияләнгән экотоварлар сатып алуның өстенлекләре һәм бер тапкыр кулланыла торган әйберләрдән баш тарту турында белделәр.
Моннан тыш, кулланучының хәбәрдар булуы тотрыклы киләчәк формалаштыруда төп роль уйный, дип билгеләп үтелде. Мәгълүмат республиканың ике дәүләт телендә – рус һәм татар телләрендә бирелде. Катнашучыларга Кулланучылар хокукларын яклау буенча киңәшләр белән белешмәләр тараттылар һәм хезмәтнең кайнар линиясенең контакт мәгълүматларын хәбәр иттеләр.
Чара фикер алышу һәм киләчәктә дә мондый хезмәттәшлекне дәвам итү теләге белән тәмамланды.