Уртак чара
Татарстан Республикасы Дәүләт алкоголь инспекциясенең Түбән Кама территориаль органының эчке базарны үстерү һәм координацияләү бүлеге хезмәткәрләре Түбән Камадагы кадрлар үзәгенә килүчеләр өчен оештырылган чараларда һәрвакыт рәхәтләнеп катнашалар. Шушы көннәрдә пенсия яшендәге гражданнар һәм өлкәннәр өчен эшкә урнашу һәм социаль ярдәм мөмкинлекләренә багышланган махсус вакансияләр ярминкәсе уздырылды.
Ярминкәдә катнашучыларга төрле вакансияләр тәкъдим иттеләр; Россия Социаль фонды һәм социаль яклау белгечләреннән пенсияләр, ташламалар һәм социаль программалар мәсьәләләре буенча консультацияләр бирделәр; теләүчеләр үзләренең сәламәтлекләрен тикшерә алдылар.
Түбән Кама территориаль органы хезмәткәрләре дә үз өлешләрен кертте. Белгечләр белән әңгәмә барышында чарада катнашучылар кулланучылар хокуклары мәсьәләләре буенча консультацияләр һәм грамоталы кулланучылар булырга ярдәм итәчәк методик материаллар алдылар.