Законнарны белү юридик хаталарны булдырмаска ярдәм итә
Татарстан Республикасы Дәүләт алкоголь инспекциясенең Чаллы территориаль органы белгечләре сәүдә объектлары хезмәткәрләре өчен кулланучылар хокукларын яклау өлкәсендә Россия Федерациясе законнарының гамәлдәге нормаларын аңлатып, профилактик чаралар үткәрә.
Сатып алучылар тарафыннан дәгъвалардан саклану өчен кулланучының төп хокуклары: сыйфатка хокук, иминлеккә хокук, мәгълүматка хокук, ирекле сайлау хокукы, яклау хокукы, китерелгән зыянны каплау хокукы турында белү мөһим. Шулай ук конфликтлы ситуацияләр килеп чыкканда законның кирәкле нормаларын вакытында кулланырга һәм иртә этапта ук конфликтны хәл итүнең дөрес ысулын билгеләргә кирәк.
Бер үк вакытта катнашучыларга Кулланучылар хокукларын яклау мәсьәләләре буенча буклетлар, «Вестник потребителя Татарстана» газетасының соңгы чыгарылышы таратылды.