Кулланучылар белемнәре дәресе үткәрелде
Татарстан Республикасы Дәүләт алкоголь инспекциясенең Арча территориаль органы хезмәткәрләре Әтнә районы Көңгәр урта мәктәбенең 7-10 сыйныф укучылары өчен кулланучылар хокукларын яклау темасына дәрес үткәрделәр.
Укучылар белем бирүнең һәр өлкәсе белән кызыксыналар, төрле конкурсларда катнашалар һәм укытучыларын җиңүләре белән сөендерәләр. Мәктәп укучылары тарих һәм җәмгыять белеме укытучысы җитәкчелегендә ел саен Татарстан Республикасы Дәүләт алкоголь инспекциясе оештырган олимпиадада катнашып, призлы урыннар яулыйлар.
Дәрестә «Кулланучылар хокукларын яклау турында» РФ законнары нигезендә укучыларга кулланучылар хокукларын яклау өлкәсендәге нормалар һәм кагыйдәләр аңлатылды; Кулланучылар хокукларын яклау турындагы законнар тарихы турында мәгълүмат җиткерелде. Белемнәр тиешле видеороликлар аша ныгытылды.