Гражданнар белән очрашу булды
Халыкның хокукый грамоталылыгын арттыру һәм кулланучылар базарында хокук бозуларны кисәтү максатларында, килүчеләргә консультацияләр биреп, күчмә чара уздырылды.
Килүчеләрне сыйфатсыз товарлар сату һәм сатып алу, экспертиза үткәрү сроклары, зәркән әйберләрен алмаштыру һәм кайтару һ.б. кызыксындырды. Арча территориаль органы белгечләре проблемалы хәлләрне судка кадәр хәл итү юлларын һәм вариантларын тәкъдим иттеләр. Күпфункцияле үзәккә килгән һәркем белгечләрдән квалификацияле җаваплар ала алды. Чара барышында гражданнар товарларның куркынычсызлыгы, сыйфаты һәм файдалылыгы проблемаларын, шулай ук акыллы куллану принципларын яхшырак аңлауга юнәлделәр. Кулланучылар өчен уңайлы урында кулланучылар хокукларын яклау өлкәсендә төрле тематикалы буклетлар урнаштырылды һәм территориаль орган визиткалары таратылды.