Кибеттә семинар уздырдылар
Татарстан Республикасы Дәүләт алкоголь инспекциясенең Арча территориаль органы хезмәткәрләре күчмә семинар үткәрделәр, Әтнә районының Сап Ключи авылында урнашкан И.Миллизянов ИП кибетендә сатучылар һәм сатып алучылар белән очраштылар. 96 хуҗалыклы авылга бер кибет хезмәт күрсәтә. Биредә ассортимент бай, азык-төлек продуктлары да, көнкүреш химиясе дә сатыла.
Сатучыларга, Россия Федерациясе Хөкүмәте карары һәм «кулланучылар хокукларын яклау турында» РФ Законы белән расланган Товарларның аерым төрләрен сату кагыйдәләренә ярашлы рәвештә, сатыла торган азык-төлек товарларына бәяләрне рәсмиләштерү һәм урнаштыру, товарлар турында мәҗбүри һәм дөрес мәгълүмат булу, төрелгән товарларны һәм икмәк-күмәч әйберләрен сату кагыйдәләре аңлатылды.
Чара барышында мәгълүмат буклетлары һәм брошюралар, "Вестник потребителя Татарстана"газетасы таратылды.