Кышклово авылы кибетендә күчмә семинар үткәрелде
Авыл кешеләре өчен кибет эшләве бик мөһим. Әтнә районының Кышклово авылында урнашкан "Нур" ҖЧҖ азык-төлек кибете авыл халкы мәнфәгатьләрендә эшли. Монда барысы да бар: халыкның көнкүреше өчен дә, көндәлек ихтыяҗлар өчен дә. Татарстан Республикасы Дәүләт алкоголь инспекциясенең Арча территориаль органы хезмәткәрләре бу кибеттә күчмә семинар үткәрделәр.
Чараның төп максаты-сатучыларга кулланучылар хокукларын яклау турындагы закон нормаларын җиткерү. Сатучыларга «кулланучылар хокукларын яклау турында» Россия Федерациясе Законы нигезендә товарларны ваклап сату-алу шартнамәсе буенча сату кагыйдәләре аңлатылды. Сатыла торган товарларга бәяләрне рәсмиләштерү кагыйдәләре, оешма вывескасы һәм товарлар турында мәгълүмат булу турында консультацияләр бирелде.
Сатучыга һәм сатып алучыларга кулланучылар хокукларын яклау темасына буклетлар, брошюралар һәм "Татарстан Республикасы хәбәрләре" газетасы таратылды.