Белгеч тарафыннан мәгълүмати-аңлату эше башкарылды
Бөтендөнья сыйфат көнен бәйрәм итү уңаеннан Татарстан Республикасы Дәүләт алкоголь инспекциясенең Чистай территориаль органы хезмәткәре Болгар шәһәренең «Пятерочка» кибетендә кулланучылар өчен консультация өстәле үткәрде.
Чара барышында сатып алучыларның берсе җиләк-җимеш-яшелчә продукциясе наклейкаларындагы цифрларның нәрсә аңлатуы белән кызыксынды. Белгеч аңлатканча, бу халыкара стандартлар федерациясе тарафыннан бирелә торган махсус кодлар. PLU-кодлар үзенә күрә сыйфат гарантиясе булып тора, алар буенча продукция җитештергәндә нинди стандартлар үтәлгәнен белергә була. PLU-код наклейкаларында бренд турында мәгълүмат, аның эмблемасын да кертеп, шулай ук дүрт - яки бишурынлы номер, кайвакыт штрих-код белән. Мондый наклейкалар читтән китерелгән яшелчә, җиләк-җимеш һәм яшелчәләр өчен кулланыла.
Кодларда ваклап сатучылар һәм кассирлар өчен продуктның килеп чыгышы, аны үстерү һәм транспортировкалау шартлары турында мөһим мәгълүматлар бар, шулай ук җиләк-җимешнең сортын һәм аның бәясен күрсәтә.
PLU-наклейкалар безгә нәрсә сатып алуыбызга ышанырга ярдәм итә, базарны үтә күренмәле итә. Әлеге стандартлар киштәләрдә продуктларның куркынычсызлыгы һәм сыйфаты өчен мөһим.