Рәхмәт төрле була

2026 елның 13 марты, җомга

Гыйнвар аенда ТР Дәүләт алкоголь инспекциясенең Түбән Кама территориаль органы хезмәткәрләре 15 нче мәктәпнең кече сыйныф укучылары өчен Бөтендөнья кулланучылар хокукларын яклау көне һәм товарларның сыйфатының әһәмияте турында дәрес үткәрделәр. Бүген балалар кунакларны «кулланучы хокуклары» темасына ясалган рәсемнәре белән сөендерергә булдылар, белгечләргә үзенчәлекле һәм җылы рәхмәтләрен белдерделәр.

Белгечләр Дания Фәрхетдинова һәм Раушания Бәдретдиновага матур һәм күңелле рәсемнәр бирелде. Укытучы оештыручыларны алдан ук кисәткән, шуңа күрә яшь рәссамнар да инспекторлардан зур булмаган сюрпризлар алган.