Белгечләр мөһим сораулар турында
Яр Чаллы территориаль органы хезмәткәрләре балалар киемнәре сатуда махсуслашкан «Стильные детки» кибете сатучылары белән очрашу үткәрделәр. Сатучыларга һәм җитәкчегә «кулланучылар хокукларын яклау турында»гы закон нигезләмәләрен һәм балалар киемнәрен мәҗбүри маркировкалауга таләпләрне аңлаттылар — маркировкасыз товарларны сату һәм саклау тыела.
Маркировка сатып алучыларга дөрес составны, ялганнан саклануны һәм сыйфат контроле хезмәтенә мөрәҗәгать итү мөмкинлеген гарантияли. Сатучылар һәм җитештерүчеләр өчен бу исәп-хисапны, документ әйләнешен һәм калдыкларны контрольдә тотуны гадиләштерә.
Белгечләр шулай ук кулланучылар дәгъвалары буенча сорауларга җавап бирделәр һәм «кайнар линия» эше турында искәрттеләр: 71-43-03. Чара кулланучылар хокукларын яклау өлкәсендә хокукый грамоталылыкны арттыруга юнәлдерелгән.