Авыл җирлекләрендә күчмә кабул итүләр

2026 елның 21 апреле, сишәмбе

Татарстан Республикасы Дәүләт алкоголь инспекциясенең Казан территориаль органы башлыгы Марина Егорова Татар Саралавы (Лаеш районы) һәм Биектау (Биектау районы) авыл җирлекләре халкы белән очрашулар үткәрде.

Очрашуларда сәүдә өлкәсендәге актуаль мәсьәләләр турында фикер алыштылар һәм ситуацияләрне «кулланучылар хокукларын яклау турында» 07.02.1992 № 2300-1 Россия Федерациясе Законы нигезләмәләре, 2020 елның 31 декабрендәге 2463 номерлы ваклап сату-алу шартнамәсе буенча товарлар сату кагыйдәләре нигезендә тикшерделәр.

Шулай ук күчмә чаралар кысаларында әлеге торак пунктларда эшләүче муниципаль хезмәткәрләр өчен семинарлар үткәрелде.

Барлык мөрәҗәгатьләргә гамәлдәге законнар нигезендә квалификацияле аңлатмалар бирелде.