Татарстан Республикасы Ведомстволары Татарстан Республикасы Дәүләт алкоголь инспекциясе

Бар, табып кара син аны!

2017 елның 4 августы, җомга

ТР Дәүләт алкоголь инспекциясенең Чаллы территориаль органына бер кулланучы интернет аша үзенә сыйфатсыз товар саткан оешмага карата претензия тутыруга ярдәм итү үтенече белән мөрәҗәгать итте.

Иң кызыгы һәм кызганычы шул: онлайн-заказ рәсмиләштергәндә, аңа сатучының урнашу урыны, кимчелекләре ачыкланган очракта товарны кире кайтару тәртибе турында мәгълүматлар бирелмәгән.

Ә инде посылкада күрсәтелгән телефон номерлары “Без сезгә соңрак шалтыратырбыз”... дигән эчпошыргыч сүзләрне кабатлап торудан ары узмаган. Сатып алучының сатучы турында бар белгәне – оешма атамасы һәм Мәскәүдә абонент тартмасы номеры. Әле тартма саны нинди диген – 13!

ТР Дәүләт алкоголь инспекциясенең Чаллы территориаль органы хезмәткәре кулланучыга претензия язарга булышып, дәгъва хаты күрсәтелгән адрес буенча почтага җибәрелде. Хат иясенә барып ирешер, дигән өметтә калабыз.

Кулланучы белән дистанция ысулы нигезендә товар сату кагыйдәләре турында профилактик әңгәмә үткәрелде.

ТР Дәүләт алкоголь инспекциясенең Чаллы территориаль органы

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

март, 2026 ел

«Арзан» сәүдә үзәгендә ике ведомство белгечләре чара уздырды

Яр Чаллыдагы «Арзан» сәүдә үзәге эшмәкәрләре Яр Чаллы территориаль органы һәм Роспотребнадзор белгечләре белән очрашты. Даими очрашуда кулланучылар базарының актуаль мәсьәләләре, шул исәптән товарларны «Гадел билге» системасында маркировкалау, маркировкаланмаган товарларны исәптән чыгару кагыйдәләре һәм 2026 елдан маркировкада булачак үзгәрешләр турында фикер алыштылар.

Кулланучыга җиһаз әзерләүгә шартнамә төзү тәртибен аңлаттылар

Татарстан Республикасы Дәүләт алкоголь инспекциясенең Чистай территориаль органына шәһәр кешесе җиһаз әзерләүгә шартнамә төзү турындагы сорау белән мөрәҗәгать итте. Ир-ат шәхси эшмәкәр белән шәхси эскиз буенча кухня гарнитурын әзерләүгә килешү төзергә ниятләгән, ләкин башкаручының типовой килешүендә сату-алу килешүе күрсәтелгән.

март, 2026 ел

Баулыда алкоголь продукциясен законсыз сату факты ачыкланды

Татарстан Республикасы Дәүләт алкоголь инспекциясенең Әлмәт территориаль органына Россия Эчке эшләр министрлыгының Баулы районы буенча идарәсеннән тикшерү материалы килде. «Д» кибетендә шәхси эшмәкәр закон тарафыннан тыелган вакытта законсыз рәвештә 2 шешә алкоголь саткан һәм «гадел билге»системасына сату турында хәбәр итмәгән. Алкоголь әйләнешенең хокукый нигезләре 171-ФЗ номерлы Федераль закон белән билгеләнгән. Бозган өчен РФ КоАПның 14.16 маддәсе 3 өлеше (ваклап сату кагыйдәләрен бозган өчен) һәм 15.12.1 маддәсе (мониторинг системасына белешмәләр кертмәгән өчен) каралган.

март, 2026 ел

Max: дәүләт хезмәтләренә һәм штрафларга тиз керү

Хәзер дәүләт хезмәтләре күрсәтү барышы турында хәбәрнамәләр турыдан-туры Max мессенджерына килә. Дәүләт хезмәтләрендә гариза статусын белү тагын да җиңеләйде: хәбәрләр шәхси кабинетка гына түгел, ә Max дагы рәсми дәүләт хезмәтләре ботына да килә (ул зәңгәр галочка белән билгеләнгән).

ЯҢАЛЫКЛАРГА ЯЗЫЛУ