Чаллы территориаль органында “Мәктәпкә җыенырга булыш!” акциясе булып узды

Соңгы елларда республикабызда яңа уку елы алдыннан, аз керемле, күп балалы гаиләләрдә тәрбияләнүче сабыйларга, чит гаиләгә сыендырылган  балаларга, инвалид балаларга адреслы социаль ярдәм күрсәтү ниятеннән, “Мәктәпкә җыенырга булыш!” дигән Республика хәйрия акциясе үткәрү изге традициягә әйләнде.

“Мәктәпкә җыенырга булыш!” Республика хәйрия акциясе кысаларында беренче тапкыр буларак, Чаллы территориаль органы хезмәткәрләре арасыннан күп балалы гаиләләрнең мәктәп бусагасын тәүге тапкыр атлап керүче сабыйлары өчен бәйрәм үткәрелде. Анда территориаль орган җитәкчесе вазыйфаларын башкаручы Лилия Муллина беренче сыйныфка баручы балаларга уку кирәк-яраклары, иҗат белән шөгыльләнү өчен кирәкле әйберләр тапшырды.

Шулай ук Әгерҗе, Актаныш, Алабуга, Мамадыш, Менделеев, Минзәлә һәм Тукай районнарында яшәүче балалар да игътибардан читтә калмады.