ТР Дәүләт алкоголь инспекциясенең Казан территориаль органы белгечләре студентлар белән онлайн-семинарлар үткәрә
Казан территориаль органы белгечләре Zoom (https://zoom.us) платформасында онлайн-семинар һәм лекцияләр үткәрә. Бу форматта үткәрелгән чаралар хәзер гадәти күренеш.
Казан территориаль органында белгеч-эксперт Айрат Шәйхетдинов КФУ студентлары белән чираттагы видео-семинарны оештырды.
Белгәнебезчә, студентлар – товар һәм хезмәтләрдән куллану буенча иң актив катлам. Шуңа күрә кулланучылар хокукын яклау темасы алар өчен актуаль. Семинар вакытында катнашучылар сыйфатлы һәм сыйфатсыз товарларны алмаштыру, кире кайтару шартлары турында мәгълүмат алды. Татарстан Республикасы Дәүләт алкоголь инспекциясенең Казан территориаль органына килгән мөрәҗәгатьләрдән мисаллар белән, төрле сорауларны чишү юллары белән таныштылар. Студентлар үз тормышларында кулланучылар хокукы бозылу мисаллары турында сөйләделәр.
Киләчәктә мондый төр лекцияләр очрашуларны тагын да тулыландырачак.