Элек кулланышта булган яки бәясен киметеп сатылган кимчелекләре ачыкланган товарлар сатып алганда кулланучыларның хокуклары
Татарстан Республикасы Дәүләт алкоголь инспекциясенең Чистай территориаль органына кулланучылардан һәм сатучылардан кулланышта булган товарлар сатып алу һәм сату белән бәйле сораулар килә. Әлеге категория товарларны сату үзенчәлекләре Товарларның аерым төрләрен сату кагыйдәләре белән билгеләнгән. Элек куллануда булган товарлар турында мәгълүматта товарның торышы, товарга карата үткәрелгән санитар-эпидемиягә каршы чаралар, техник характеристикалар (техник яктан катлаулы товарлар өчен), товарның билгеләнеше һәм аны билгеләү яки башка максатларда куллану мөмкинлеге турында мәгълүматлар булырга тиеш. Элек куллануда булган товарның торышын, шул исәптән аның җитешсезлекләрен характерлаучы мәгълүматлар товар ярлыгында күрсәтелә.
Кулланышта булган түбәндәге товарлар: медицина эшләнмәләре, дару препаратлары, шәхси гигиена предметлары, парфюмерия-косметика товарлары, көнкүреш химиясе товарлары, тегү һәм трикотаж әйберләре, оек-оекбаш эшләнмәләре, бер тапкыр кулланыла торган савыт-саба сатылырга тиеш түгел.
Товардагы җитешсезлекләр сатучы тарафыннан искәртелмәгән булса, сыйфатсыз элек куллануда булган товар сатып алучы үз теләге белән түбәндәге таләпләрне күрсәтергә хокуклы: шундый ук маркадагы (модель, Артикул) товарга алмаштыру; сатып алу бәясендәге аерымлыкны исәпләп башка маркадагы (модель, Артикул) товарга алмаштыру; сатып алу бәясен киметүне; товарның җитешсезлекләрен кичекмәстән бетерүне; сатып алучы яисә өченче зат тарафыннан товарның җитешсезлекләрен бетерүгә тотылган чыгымнарны каплау; сату-алу килешүен үтәүдән баш тарту һәм товар өчен түләнгән сумманы кире кайтару.
Күп кенә кулланучылар бәясен киметеп сатылучы товарлар ала. Бу акцияләр үткәрү чорында сатучылар сатып алучыны сатып алынган товарны кире кайтару буенча хокуклары булуын онытып җибәрә. Әмма кулланучылар хокукларын яклау өлкәсендәге законнар, товарда җитешсезлекләр ачыкланганда, сатып алучыны аның хокукларында чикләми, сатып алынганга кадәр ачыкланган кимчелеккә сылтама ясый алмый. Мәсәлән, кулланучы, кечкенә генә җитешсезлек булу сәбәпле, кер юу машинасы сатып алган очракта, сатучыдан әлеге җитешсезлекне бетерүне, товар өчен акчаны кире кайтаруны, товарны алыштыруны яисә әлеге товарны сатып алганчыга кадәр килешенгән дефектта үз таләбен нигезләп, башка таләпне куя алмый.