«Скарлет» кибетендә кулланучылар хокукларын яклау өлкәсендә законнарны аңлату буенча семинар-укулар оештырылды
2020 елның 15 июлендә Татарстан Республикасы Дәүләт алкоголь инспекциясенең Чистай территориаль органы эчке базарны үстерү һәм координацияләү бүлеге белгечләре «Скарлет» кибете хезмәткәрләре өчен кулланучылар хокукларын яклау турында законнарны аңлату буенча семинар-укулар оештырды. Чара коронавирус инфекциясе таралу куркынычын булдырмау максатыннан, барлык саклык чаралары белән уздырылды.
Сәүдә предприятиесе хатын-кызлар киемен сату буенча специальләшә һәм биредән товар һәм хезмәт күрсәтүләрнең сыйфатына карата шикаятьләрнең килмәвен танырга кирәк. Әмма бу кибет сатучылары өчен укыту семинары уздырмау өчен сәбәп түгел.
Чара барышында Кулланучылар хокукларын яклау турындагы законнарның киң хокукый кырлыгына кагылып үтелде. Бу - РФ Гражданнар кодексы да, «Кулланучылар хокукларын яклау турында» РФ Законы да, товарларның аерым төрләреннән сату Кагыйдәләре дә.
Семинар кысаларында Чистай территориаль органы тәҗрибәсеннән кулланучылар һәм сатучылар арасында, шул исәптән судлар арасында да булган мисаллар китерелде һәм бәхәсле моментлар каралды. Бу товарда кулланучылар тарафыннан җитешсезлекләрне ачыклауга, сыйфатсыз товарлар өчен акчаны кире кайтару тәртибенә, сыйфатлы һәм сыйфатсыз товарларны алыштыру тәртибенә кагылышлы мәсьәләләр.
Кибет хезмәткәрләренә мөстәкыйль өйрәнү һәм белемнәрен арттыру өчен буклетлар һәм «Вестник потребителя Татарстана» газетасының соңгы саны тапшырылды.