Кулланучылар законнарын аңлатабыз
Татарстан Республикасы Дәүләт алкоголь инспекциясенең Түбән Кама территориаль органы хезмәткәрләре тарафыннан бер үк кибеткә шикаять белән гражданнарның күп тапкыр мөрәҗәгать итүләре сәбәпле, сәүдә объекты вәкилләре белән очрашу оештырылды.
Беренче очракта кулланучы электробзик сатып алган, аны куллану вакытында товарда берничә тапкыр кимчелекләрне күргән. Түбәнкамалы сатучыга килешүне өзү һәм акчасын кире кайтаруны таләп итеп хат белән мөрәҗәгать иткән. «Кулланучылар хокукларын яклау турында» РФ Законының 18 статьясы нигезендә, сатучы (җитештерүче), вәкаләтле оешма яки вәкаләтле шәхси эшмәкәр, кулланучыдан тиешле сыйфатта булмаган товарны кабул итәргә һәм, кирәк очракта, товарның сыйфатына тикшерү уздырырга тиеш. Сервис үзәге, чыннан да, товарда зур кимчелек бар һәм сатучыга товарны алыштырырга киңәш итә. РФ Законының 18 статьясына мөрәҗәгать итсәң, кулланучы товарда җитешсезлекләр ачыкланган очракта, сатучы тарафыннан сөйләшелмәгән очракта, үз теләге белән бер таләпне сайлап алырга хокуклы.
Икенче очракта, гаилә көчәнеш тотрыкландыргычын алган, гарантия срогы чорында төзексезлек ачыкланган һәм товар җитешсезлекне бетерү өчен кабул ителгән. РФ Законының 20 статьясы нигезендә, яклар килешүендә язма рәвештә билгеләнә торган товар җитешсезлекләрен бетерү срогы кырык биш көннән артмаска тиеш. Тик бу очракта билгеләнгән вакыт үтәлмәгән һәм товарны кире кайтармаганнар, шуңа бәйле рәвештә, кулланучы законнарда язылган таләпләрнең берсен сайлап алу хокукына ия булды.
Сәүдә объекты җитәкчесе белән әңгәмә вакытында һәр очрак тикшерелеп, законнар аңлатылды, шуннан соң кулланучыларга акчаларын кире кайтардылар. Сыйфатсыз товар сату фактлары ачыкланган очракта Түбән Кама территориаль органына түбәндәге адреслар буенча мөрәҗәгать итәргә мөмкин: Түбән Кама ш., Бызов ур., 20А, телефон: 36-63-76; Зәй ш., Казан ур., 8, телефон: 3-54-02; Чирмешән авылы, Советская ур. 32. Телефон: 2-23-80; Аксубай штп, Ленин ур., 8, телефон: 2-93-21; Мөслим авылы, Пушкин ур., 91, телефон: 2-35-05.